चुरोट नखाउ भनी सम्झाएको विवाद बढ्दा कोहलपुरमा नेपाली कांग्रेसका नेताको हत्या।

कोहलपुर नगरपालिका वडा न ७ रझगढुवामा वडा न ७ का पुर्बसदस्य तथा नेपाली कांग्रेसका स्थानीय नेता दुर्गा बहादुर पुनको हिजो राती करिब ८ बजे स्थानीय युवाहरुको समुहले हत्या गरेको छ । परिबारका अनुसार हिजो दिउँसो चुरोट खाइरहेका युवाहरुको समुहलाई चुरोट  नखाउ भनी पुनले सम्झाएको र जबाफमा युवाहरुको समुहले हामी खान्छौ तिमिलाइ के मतलब भनेर जबाफ फर्काएपछि विवाद पछि युवाहरुको समुहले गाली गरेपछि  मृतक पुनले २ थप्पड हानेको रिसको  विवादले राती ढुकेर बुवाको हत्या गरिएको हुनसक्ने मृतकका छोराले बताएका छन । राती ८ बजेको समयमा पसलबाट घर फर्किने क्रममा रजगढुवा पुल नजिक ढुकेर बसेको युवकहरुको समुह ले दाउराको चिर्पटले हानेर घाइते भएका दुर्गा बहादुर पुनलाई कोहलपुर शिक्षण अस्पताल पुर्याए लगत्तै चिकित्सकले मृत घोषणा गरेका थिए । हत्याको आरोपमा ईलाका प्रहरी कोहलपुरले १ जनालाई पक्राउ गरेको छ भने हत्याको बिसयमा स्थलगत अनुसन्धान गरिरहेको छ । घटनापछि पुर्बराज्यमन्त्री उदयशमसेर राना , नेपाली कांग्रेसका युवा नेता फुलाराम थारु वडा अध्यक्ष ठग्गा थारु मृतक पुनको घर पुगेर परिबारलाई सान्त्वना दिनुका साथै हत्याका दोशिलाइ कडा कारबाही गरिनु पर्ने माग राख्नु भएको छ ।