ड्युटीमा खटिएका प्रहरी जवानलाई जिपले ठक्कर दिदा घटनास्थलमा मृत्यु ।

हिकमत कुमारी शाहि कोहलपुर

बोलेरो  पिकअपले ठक्कर दिदा ईलाका प्रहरी कोहलपुरका प्रहरी जवान विशाल ओलिको घटनास्थलमानै मृत्यु भएको छ । कोहलपुर वडा ३  मदनचोक सडक छेउमा ड्युटीमा खटिएका प्रहरी जवान विशाल ओलि र  ट्राफिक प्रहरी सहायक हवल्दार लाल बहादुर बुढाक्षत्रीलाई भे १ च ३४०७ नम्बरको बोलेरे ठक्कर दिएको हो । ठक्कर बाट प्रहरी सहायक हवल्दार लाल बहादुर बुढा घाइते भएका छन भने उनको अबस्था गम्भीर भएको र अहिले कोहलपुर शिक्षण अस्पताल दशबिगाहमा  उपचारकालागि   आइसियुमा राखिएको प्रहरीले जानकारी दिएको छ । पश्चिमबाट   पुर्बी तर्फ आइरहेको बोलेरो पिकअपले राती करिब ११ बजे ठक्कर दिएको हो भने पिकअप चालक २० बर्सिय अर्जुन बस्नेतलाई प्रहरीले नियन्त्रण लिएको छ । ठक्करबाट निधन भएका ३२ बर्सिय विशाल ओलिको स्थायी घर रुकुमपश्चिम हो भने घाइते सहायक प्रहरी हवल्दार लाल बहादुर बुढा क्षेत्रीको स्थायी घर बर्दियाको बासगढी नगरपालिका वडा न ५ मा रहेको ईलाका प्रहरीले साहारा टिभीलाई बताएको छ । प्रहरीलाई ठक्कर दिने बोलेरोपिकअप खड्काकृष्ण कन्स्ट्रक्सनको भएको  जानकारीमा आएको छ ।