कोहलपुरमा भोलि बाट सुरु हुँदै मेयर कप तथा राष्ट्रपति रनिंगशिल्ड छनोट प्रतियोगिता।

टार्जन ओली कोहलपुर

बाँकेको कोहलपुरनगरपालिका मा सातौं अन्तर मावि मेयर कप तथा १६औं राष्ट्रपति रनिङ शिल्ड छनोट  प्रतियोगिता सुरु हुने भएको छ । पौष १० गते देखि १३ गते सम्म हुन लागेको  रनिङ शिल्डमा  स्वास्थ्यका लागि खेलकुद , राष्ट्रका लागि खेलकुद भन्ने मुल नारा सहित सञ्चालन हुन लागेको हो । रनिङ शिल्ड कोहलपुर नगरपालिका वडा नम्बर २ स्थित १३ विगाहको खेल मैदानमा हुने र कोहलपुर नगरपालिका नगरप्रमुख पूर्णप्रसाद आचार्यले प्रतियोगिताको उद्घाटन गर्ने जानकारी मा आएको छ। उक्त प्रतियोगितामा कोहलपुर नगरभित्रका सामुदायिक र निजी गरी जम्मा ३६ माध्यमिक विद्यालयका १ हजार ३ सय ६७ जना खेलाडी ले भाग लिँदैछन् । जसमा ७ सय ९६ जना छात्र र ५ सय ७१ जना छात्राको सहभागी रहने छ । प्रतियोगितामा एथ्लेटिक्स,भलिबल,कबड्डी र मार्सलआर्ट गरी चार विधा मा खेल हुने छ । उक्त प्रतियोगिता मा ५० गोल्ड मेडल का लागि प्रतिस्पर्धा हुनेछ । कोहलपुर नगर खेलकुद विकास समिति को व्यवस्थापन मा पहिलो पटक हुन लागेको सातौं अन्तर मावि मेयर कप तथा १६औं राष्टपति रनिंगशिल्ड प्रतियोगिता को मुख्य उद्देश्य नगर क्षेत्र भित्र रहेका बहुप्रतिभशाली खेलाडीहरु उत्पादन गर्ने मेयर आचार्य ले बताउनु भयो ।