कोहलपुर मेयरकप भब्यरूपमा उद्दघाटन । १ हजार भन्दा बढी खेलाडी सहभागी । (भिडियो सहित)

हिकमत कुमार शाही कोहलपुर

कोहलपुरमा ७ औ अन्तर माबी मेयर कप तथा १६ औ राष्ट्रपति रनिङ्गशिल्ड छनोट प्रतियोगिता आज भब्यरूपमा  उद्दघाटन भएको छ । कोहलपुर नगरपालिकाको आयोजना र कोहलपुर नगरखेलकुद बिकास समितिको ब्यबस्थापनमा भएको कार्यक्रमको उद्द्घाटन कोहलपुर नगर प्रमुख पुर्ण प्रसाद आचार्यले गर्नु भएको हो । भब्यरूपमा उद्दघाटन भएको मेयरकपमा विभिन्न बिधालय का बिद्यार्थीको मार्चपास , पन्चेबाजाले अझै कार्यक्रममा रौनकता थपेको थियो । कार्यक्रममा बोल्दै नगरप्रमुख पुर्ण प्रसाद आचार्यले कार्यक्रमलाई सफल बनाउन सबैको सहयोगको आवश्यकता रहेको बताउनु भयो । खेलकुदले बिद्यार्थीको शारीरिक मानसिक अबस्थालाइ मजबुत बनाउन मदत गर्ने भएकोले यस्ता कार्यक्रममा नगरपालिकाले सधै प्रोत्साहन गर्ने बताउनुका साथै अघिल्ला वर्सहरुमा बिधालयलाई  मेयरकप संचालन गर्न जिम्मा दिएपनी यो वर्स देखि नगरपालिकाले अपनत्व लिएको बताउनु भएको हो । बिगतका वर्ष  समाबेश नभएको मार्शल आर्ट खेललाई यस वर्ष देखि राष्ट्रपति रनिङ शिल्ड छनोट प्रतियोगिता अन्तर्गत समाबेश गरेको बताउनु भयो। कार्यक्रममा बोल्दै नगर खेलकुद बिकास समितिका अध्यक्ष बुद्धि थापा मगरले सबै वडाका वडा अध्यक्षको एक्यवद्धताले मेयर कप संचालन गर्न सम्भब भएको बताउनु भयो । प्रतियोगितामा कोहलपुर नगरक्षेत्रका सामुदायिक र निजि ३६ माध्यमिक बिधालयका १ हजार ३ सय ६७ जना खेलाडी छात्र ,छात्रा हरुले भाग लिनेछन । जसमा छात्र ७ सय ९६ जना र छात्रा ५ सय ७१ जना रहेका छन ।प्रतियोगितामा एथलेटिक्स , भलिबल कबडि , मार्शलआर्ट ( तेक्वान्दो ) उस्सु र कराते का चार बिधा समाबेश गरिएको नगर खेलकुद संयोजक बुद्धि थापा मगरले सहारा टिभिलाई बताउनु भएको छ । कोहलपुर नगरपालिका वडा न २ तेर्हबिगाहको मैदानमा आज बाट सुरु भएको खेलकुद १३ गतेसम्म चल्ने जानकारीमा आएको छ ।