मार्चपासमा कोहलपुरको वेस्टर्न इङलिस मिडियम स्कुल प्रथम

कोहलपुरमा सुरु भएको सातौं अन्तर मावि मेयर कप तथा १६ औं पालिका स्तरीय राष्ट्रपति रनिङ्गशिल्ड खेलकुद छनौट प्रतियोगिताको मार्च पासमा वेस्टर्न ईमि स्कुल प्रथम भएको छ । कोहलपुर नगर भित्रका ३४ वटा विद्यालयहरुले मार्च पासमा सहभागि भएका थिए । जसमा कोहलपुर ५ मा रहेको वेस्टर्न ईमि स्कुल प्रथम भएको छ भने कोहलपुर ५ मा रहेको पञ्चमुखी ईमि स्कुल र कोहलपुर १ मा रहेको जन ज्ञानज्योति मावि द्धितीय भएका छ । यस्तै कोहलपुर १२ मा रहेको ग्रिन पिस मावि तृतीय भएको छ । स्वास्थ्यका लागि खेलकुद, राष्ट्रका लागि खेलकुद’ भन्ने मुख्य नाराका साथ सुरु भएको प्रतियोगिता १३ गतेसम्म सञ्चालन हुनेछ । कोहलपुर नगरपालिकाको आयोजना तथा कोहलपुर नगर खेलकुद विकास समितिको सञ्चालन र व्यवस्थापनमा प्रतियोगिता भएको हो ।