कोहलपुरमा आठौं मेयरकप तथा सत्रौं राष्ट्रपति रनिङ शिल्ड खेलकुद छनोट प्रतियोगिता भव्य उद्घाटनसहित सुरु
कोहलपुर, बाँके: कोहलपुर नगरपालिकाको आयोजनामा आठौं मेयरकप तथा सत्रौं राष्ट्रपति रनिङ शिल्ड खेलकुद छनोट प्रतियोगिता २०८१ आज भव्य समारोहका साथ सुरु भएको छ।
रंगीन झाँकीसहित उद्घाटन समारोह
श्री कृष्ण मावि, कोहलपुर-१, कौशिलानगरमा आयोजित उद्घाटन कार्यक्रमका प्रमुख अतिथि कोहलपुर नगरप्रमुख पूर्ण प्रसाद आचार्य ले पानसमा बत्ति बालेर कर्यकर्मकॊ औपचरिक रुपमा सुभारम्भ गर्नु भएको थियो । साथै, नगरउपप्रमुख संगिता सुवेदी, विभिन्न वडाका अध्यक्षहरू, विभिन्न राजनीतिक दलका प्रतिनिधिहरू, शिक्षक तथा स्थानीय समाजसेवीहरूको उल्लेखनीय उपस्थिति रहेको थियो।
कार्यक्रमको सभापतित्व कोहलपुर नगर खेलकुद संयोजक चक्र चिमाला क्षेत्री ले गर्नुभएको थियो। उद्घाटन समारोहमा विद्यालयका विद्यार्थीहरूद्वारा आकर्षक मार्च पास, सांस्कृतिक झाँकी तथा खेलाडी शपथ ग्रहण विशेष आकर्षण बने।
प्रतियोगिता भित्रका खेल विधाहरू
यस प्रतियोगितामा एथलेटिक्स, भलिबल, कबड्डी र मार्सल आर्ट गरी चार प्रमुख खेल समावेश गरिएको छ। विभिन्न सामुदायिक तथा संस्थागत विद्यालयका २१७६ खेलाडीहरू प्रतिस्पर्धामा छन्।
विद्यालय सहभागिता विवरण
माध्यमिक तह: सामुदायिक १३, संस्थागत २७
आधारभूत तह: सामुदायिक ८, संस्थागत ५
कुल ५३ विद्यालयका विद्यार्थीहरूले यो प्रतिष्ठित प्रतियोगितामा भाग लिएका छन्।
पुरस्कार राशिः उत्कृष्ट खेलाडीलाई विशेष सम्मान
प्रतियोगिताका विजेताहरूलाई आकर्षक पुरस्कार प्रदान गरिनेछ:
माध्यमिक तह: प्रथम (रू. ७५,०००), दोस्रो (रू. ६५,०००), तेस्रो (रू. ५५,०००), उत्कृष्ट खेलाडी (रू. ५१,०००)
आधारभूत तह: प्रथम (रू. २५,०००), दोस्रो (रू. २०,०००), तेस्रो (रू. १५,०००)
स्थानीय खेलाडीहरूका लागि ठूलो अवसर
कार्यक्रमका प्रमुख अतिथि नगरप्रमुख पूर्णप्रसाद आचार्यले कोहलपुरमा खेलकुद प्रवर्द्धन गर्ने लक्ष्यसहित यस्ता प्रतियोगिताहरूलाई निरन्तरता दिने प्रतिबद्धता व्यक्त गर्नुभयो।
कोहलपुरका स्थानीय खेलाडी, विद्यालय, खेलकर्मी तथा खेलप्रेमीहरूबीच अपार उत्साह रहेको यो प्रतियोगिता केही दिनसम्म कोहलपुरलाई खेलमय बनाउने विश्वास गरिएको छ।
Leave A Comment