कोहलपुरमा १५ वर्षदेखि पानीपुरी बेचिरहेका बिहारका उमेश सहनी ।

हिक्मत कुमार शाही कोहलपुर

पुष १५ को चिसो रात अरु नयाँ बर्ष मनाउन होटल रेस्टुरेन्टमा रमाइलो गर्दै छन तर उमेरले ४० वर्षका उमेश सहनी भने कोहलपुर वडा न ५ बिकासनगरमा पानीपुरी बेच्न ग्राहक पर्खिरहेका भेटिए । नेपालमा रोजगारी छैन भन्दै नेपाली युवाहरु बिदेश जान मरिहत्ते गरिरहेको समयमा पानीपुरी र चटपटे बेचेर भारत बिहार मितिहारी जिल्लाका उमेश सहनी भने मासिक ६० हजारसम्म कमाउने गरेको बताए । भारतिय नागरिक सहनी बिगत १५ बर्स देखि कोहलपुरमा पानीपुरी र चटपटे बेचिरहेको र पानीपुरिको ब्यापारबाट २ छोराछोरीलाई पढाउने देखि घरपरिबार सम्मको खर्च चलाउने गरेको साहारा टिभीलाई बताए । एक छोरा एक छोरी भएका सहनी पानीपुरी र चटपटेको ब्यापार गर्न लगानी थोरै लाग्ने भएपनी काममा भने धेरै खटिनु पर्ने बताउछन । आफुले बेच्ने पानीपुरी आफै बनाउने सहनी भन्छन श्रीमती घरव्यबहार चलाउछिन भने आफू दिनभर पानीपुरी र चटपटे बेचेर घरपरिबार चलाएको उनले बताए । भारत बिहारको मोतिहारी जिल्ला बाट १५ वर्स अगाडि कोहलपुर आएर पानीपुरी बेच्न थालेका उमेश सहनी नेपाली भाषा प्रष्ट बोल्छन भने छोराछोरीलाई समेत कोहलपुरकै एक बिधालयमा पढाइरहेको बताउछन ।