बाँके जिल्ला नेपालगन्जमा जमिन मुनिबाट सुन निकालिदिन्छु भन्दै ठगी गर्ने ब्यक्तिलाइ जिल्ला प्रहरी बाँकेले पक्राउ गरेको छ । भारतको उत्तरप्रदेश घर भएका बलरामपुर सिहपुरी घर भएका अन्दाजी ४२ वर्सका सदाबुदिन हलवाइले नेपालगन्ज उपमहानगरपालिका वडा न १९ मोहनपुर घर भएका नसिर अहमद बेहेनालाइ इट्टाभट्टामा रहेको सुन निकाली दिन्छु भनेर पटक पटक गरि दुई करोड रुपैया ठगी गरेको आरोपमा प्रहरीले पक्राउ गरेको हो । ठगी गर्ने आरोपितलाई प्रहरीले नेपालगन्ज बसपार्क बाट पुष ५ गते नियन्त्रणमा लिएर बाँके जिल्ला अदालत बाट ४ दिनको म्याद लिएर हिरासतमा राखेर अनुसन्धान गरिरहेको छ । आरोपितबाट प्रहरीले ३ वटा माटोको घैटो सो घैटो भित्रबाट पहेँलो धातुले बनेको सिक्का १०४९ थान , तीन वटा पितलको घैटो , भारतीय नम्बरको सिल्बर कलरको कार ,नेपाली र भारतीय बैंकका चेक तथा भौचर लगायत अन्य माल समान जफत गरिएको छ ।
Leave A Comment