कोहलपुर वडा नं. ११ मा अटो वर्कशपमा आगलागी, दुई मोटरसाइकल नष्ट
कोहलपुर, रेडक्रस मार्गस्थित कालिका अटो वर्कशपमा आज बिहान १० बजे विद्युत सर्ट सर्किटका कारण आगलागी भएको छ। आगलागीका कारण वर्कशपमा रहेका दुईवटा मोटरसाइकल जलेर पूर्ण रूपमा नष्ट भएका छन्।
प्रहरी, कोहलपुर नगरप्रहरी र कोहलपुर नगरपालिकाको दमकलको सहकार्यमा आगो नियन्त्रणमा ल्याइएको हो। घटनाबाट ठूलो आर्थिक क्षति भए पनि मानवीय क्षति नभएको जानकारी प्राप्त भएको छ।
विद्युत सर्किटको कारण आगलागी भएको पुष्टि भए पनि घटनाबारे थप अनुसन्धान भइरहेको प्रहरीले जनाएको छ।
Leave A Comment