नेपालगन्ज, बेलासपुर – बाँकेको नेपालगन्ज बेलासपुरमा घरको गेट तोडेर पिकअप भ्यानले ठक्कर दिँदा एक बालकको ज्यान गएको छ भने तीन जना गम्भीर घाइते भएका छन्।
मंगलबार बिहान घरको सामान ओसार्न आएको मिनी भ्यान (ना. भे. १ च ३८९५) ब्याक गर्ने क्रममा अनियन्त्रित भई घरको फलामे गेट फोडेर भित्र छिरेको थियो। उक्त घटनामा घरभित्र खेलिरहेका ५ वर्षीय दृश्य बुढाथोकीको घटनास्थलमै मृत्यु भएको छ। साथै, घरमा रहेका अन्य तीन जना गम्भीर घाइते भएका छन्, जसको नेपालगन्जस्थित अस्पतालमा उपचार भइरहेको छ।
स्थानीयका अनुसार मृतक दृश्य बुढाथोकीका बुवाको पनि ८ महिना अघि निधन भएको थियो, जसले परिवारलाई थप शोकमा डुबाएको छ।
दुर्घटना गराउने पिकअप भ्यानका चालक कोहलपुर-२ निवासी सुरत चौधरी र नेपालगन्ज निवासी रियाखत अलि लाई जिल्ला प्रहरी कार्यालय बाँकेले नियन्त्रणमा लिएर अनुसन्धान गरिरहेको छ।
Leave A Comment