Latest
img

स्व. केशव धिताल स्मृति मैत्रीपूर्ण फुटबल प्रतियोगिता सम्पन्न

कोहलपुर, बाँके – दुई वर्षअघि बर्दियाको बासगढीमा मोटरसाइकल दुर्घटनामा परी दिवंगत भएका कोहलपुर-१, कौशलनगरका स्व. केशव धिताल को सम्झनामा मैत्रीपूर्ण फुटबल प्रतियोगिता सम्पन्न भएको छ। प्रतियोगिता आज कोहलपुरस्थित कृष्ण माध्यमिक विद्यालय को खेलमैदानमा आयोजना गरिएको थियो।

प्रतियोगितामा एमरेष्ट युथ स्पोर्ट्स क्लब, कोहलपुर-१, कौशलनगर र मुन स्टार स्पोर्ट्स क्लब, बैजनाथ-४, बाँके बीच मैत्रीपूर्ण खेल सम्पन्न भयो। रोमाञ्चक खेलमा एभरेस्ट युथ स्पोर्ट्स क्लबले ७-३ गोल अन्तरले मुन स्टार स्पोर्ट्स क्लबलाई पराजित गर्दै उपाधि जित्न सफल भयो।

भावुक माहोलमा सम्पन्न कार्यक्रम

कार्यक्रममा स्व. केशव धितालका बुवा आमा, श्रीमती, छोरा-छोरी, साथै कोहलपुर नगरपालिका-१ का अध्यक्ष बद्री जैशी र बैजनाथ गाउँपालिका-२ का अध्यक्ष राजु रुचाल को उपस्थिति रहेको थियो। प्रतियोगिताको सुरुमा एक मिनेट मौनधारण गरी स्व. धिताललाई श्रद्धाञ्जली अर्पण गरिएको थियो।

भावनात्मक क्षणहरूबीच मृतक धितालका परिवारजन निकै भावुक देखिए। विशेषगरी उनका बुवाले आफ्नो छोराको सम्झनामा खेल आयोजना गरिएकोमा आयोजक तथा सहभागीहरूलाई धन्यवाद व्यक्त गरे।

सामाजिक उत्तरदायित्वसहितको प्रतियोगिता

प्रतियोगिताको विजेता एभरेस्ट युथ स्पोर्ट्स क्लब ले समाजसेवा गर्दै आएको ‘सभ्यताको घर’ बालआश्रम, बैजनाथ-३, उत्तरलदौरा लाई खाद्यान्न सामग्री सहयोग गरेको छ।

यस प्रतियोगिताका माध्यमबाट स्व. केशव धिताललाई श्रद्धाञ्जली अर्पण गर्नुका साथै स्थानीय खेलाडीहरूलाई आफ्नो प्रतिभा प्रस्तुत गर्ने अवसर प्राप्त भएको आयोजक समितिले जनाएको छ। साथै, आयोजक टोलीले फुटबलप्रेमी दर्शक, खेलाडी तथा सहयोगीहरूलाई धन्यवाद ज्ञापन गरेको छ।

 

यहाँ प्रकाशित कुनै समाचारमा तपाईंको गुनासो भए हामीलाई सम्पर्क गर्नु होला हामीसँग तपाईं फेसबुकट्विटरमा पनि जोडिन सक्नुहुन्छ ।

अन्य समाचार

Design

Leave A Comment