Latest
img

कोहलपुरमा होटल संचालक बाथरुममा झुन्डिएको अबस्थामा मृत फेला।

कोहलपुर, बाँके – कोहलपुर पुरानो बसपार्कस्थित लक्ष्मी दङ्गाली होटलका संचालक ४३ वर्षीय दल बहादुर बुढा बाथरुममा झुन्डिएको अवस्थामा फेला परेका छन्। घटना दिउँसो करिब ३ बजे भएको बताइएको छ।

मृतक केही महिना अघि मात्र भारतबाट फर्किएका थिए। उनी आफ्नी श्रीमती र छोरीसँगै होटलमा बस्दै आएका थिए।

तर, स्थानीयबासीका अनुसार मृतक दल बहादुर बुढाको श्रीमतीसँगको सम्बन्ध राम्रो थिएन। केहीले श्रीमतीले बेला–बेला कुटपिट गर्ने गरेको बताएको प्रहरी स्रोतले जनाएको छ।

मृतकका परिवारजनले यो आत्महत्या नभई हत्या हुन सक्ने आशंका व्यक्त गर्दै घटनाको न्यायपूर्ण अनुसन्धान गरी दोषीलाई कारबाही गर्न माग गरेका छन्।

घटनाबारे जानकारी पाएपछि इलाका प्रहरी कार्यालय, कोहलपुर को टोली घटनास्थलमा पुगेको थियो। प्रारम्भिक अनुसन्धानपछि शवलाई पोस्टमार्टमका लागि प्रादेशिक अस्पताल, भेरी नेपालगन्ज पठाइएको छ।

प्रहरीले घटनाको गहिरो अनुसन्धान जारी राखेको जनाएको छ।

(थप विवरण आउन बाँकी…)

यहाँ प्रकाशित कुनै समाचारमा तपाईंको गुनासो भए हामीलाई सम्पर्क गर्नु होला हामीसँग तपाईं फेसबुकट्विटरमा पनि जोडिन सक्नुहुन्छ ।

अन्य समाचार

Design

Leave A Comment