दिउँसो बाटोमा हिडिरहेका बेला होस या रातमा सुतिरहेको बेला बाइकको बम जस्तो पड्किने आवाजले कुनै न कुनै बेला तपाईंको सातोपुत्लो उडेको हुनुपर्छ , बजार नै थर्कमान हुने गरि बाइकको साइलेन्सर पड्काउने हरुको भने यति बेला बाँके ट्राफिक प्रहरीले सातोपुत्लो उडाएको छ भन्दा फरक पर्दैन किनभने बाँके जिल्ला ट्राफिकले बाइक पड्काएर बजार थर्कमान गराउनेलाइ खोजी खोजी समातिरहेको छ भने नियमपुर्बक कानुनी कारबाही समेत गरिरहेको छ ।
कोहलपुर , नेपालगन्जमा बाइकको साइलेन्सर पड्काएर हैरानी दिएको जनगुनासो बढेपछि यति बेला बाँके ट्राफिक प्रहरीले विशेष टोलि बनाएर बाइक समात्ने कार्यलाई तिब्रता दिएको बाँके जिल्ला ट्राफिक प्रमुख पुस्कर राज पन्तले बताउनु भयो ।
मोटरसाइकलको स्वरुप परिवर्तन गर्ने ,मोडिफाइ गर्ने जोकोहीलाई कानुन अनुसार कारबाही गरिने र अहिलेसम्म ३९ वटा मोडिफाइ गर्ने बाइकहरुलाइ कारबाह गरिएको ट्राफिक प्रमुख पन्तले साहारा टिभीलाई जानकारी दिनु भयो ।
साथै बाँके ट्राफिक प्रमुख पन्तले यो अभियानमा केबल प्रहरी मात्र नभइ आमजनताले साथ दिनुपर्ने र तपाईंको नजिक ध्वनिप्रदुषण गर्ने दुइपाङ्ग्रे सवारी साधन देख्नुभएको छ भने तुरुन्त गाडी नम्बर सहित बाँके जिल्ला ट्राफिक प्रहरीलाई खबर गर्न आग्रह गर्नु भयो ।
बाँके जिल्ला ट्राफिक प्रहरी प्रमुखको रूपमा आउनु भएको पुष्कर राज पन्तले बाँके जिल्लामा ट्राफिक नियमलाई चुस्त दुरुस्त राख्न विभिन्न कदम चालिरहनु भएको छ , कोहलपुर नेपालगन्ज सडक खण्डमा यति बेला दौनिक रूपमा गति मापनको कार्यले दुर्घटना न्यूनीकरण भएको देख्न सकिन्छ भने नेपालगन्जको त्रिभुवनचोकमा अस्तब्यस्त हुने गाडी र बाइक पार्किङलाई ब्यबस्थित बनाएपछि यतिबेला हिड्डुल गर्न सहज हुने गरेको नेपालगन्जबासी बताउछन ।
Leave A Comment